အခုအချိန်မှာ သားလေးကို မျက်စိအောက်ကကို အပျောက် မခံရဲတာ။ မျက်စိကို ဒေါက်ထောက်ပီးတော့ကို ကြည့်နေရတာ။ ကလေးအထူးကုသမားတော်ကြီး ဒေါက်တာရဲမြင့်ကျော် ပြောသလို။
လွန်ခဲ့တဲ့ ( After March, 2007 ) သားလေးကို ကိုယ်ဝန်လွယ်ထားသော အချိန်တုန်းကဆိုရင် .... မာမီ တခါမှ မအန်ဘူး။ သမီးတုန်းကတော့ ခဏ ခဏ အန်တယ်။ အဲဒီအချိန် ကိုယ်ဝန် ၅ပတ်ကျော် ဗိုက်ထဲက ရင်သွေးကလေး ကိုယ်အင်္ဂါစတင် ဖြစ်ပေါ်နေတဲ့ အချိန်ဆိုတော့ morning sickness ဖြစ်နေပေမယ့်လို့ အစာ မ၀င်ဝင်အောင် မာမီ စားပေးတာပေါ့။ ပန်းသီးအစိမ်း၊ ပေါင်မုန့်၊ စပျစ်သီးခြောက်တွေ စားမှပဲ ရတယ်။ ကျန်တဲ့ အစားအသောက်တွေ စားရင် အန်လို့လေ။ အနံတွေဆိုတာ နှာခေါင်းဝ ရောက်လာတာနဲ့ လူက အန်ချင်နေပီ။ သားကျတော့ မအန်တော့ စားလို့ကောင်း၊ သောက်လို့ကောင်း။ တချိန်လုံးစား၊ မာမီ စင်ကာပူက ပြန်လာပီး နောက်ပိုင်း သားကိုယ်ဝန် ၈ ပတ်ကျော်မှာ မီးယပ်နှင့်သားဖွားအထူးကု သမားတော်ကြီး ဒေါက်တာ ဦးတင်မောင်အေးနဲ့ စပီး ပြတာပေါ့။ ကိုယ်ဝန် စရှိရှိချင်း ဆိုတော့ Medical check up လုပ်ရတာပေါ့။ သွေး၊ ဆီး စစ်တာပေါ့။ အားလုံးကောင်းတယ်။ ဆရာက လူနာ အရမ်းများတတ်လို့ သားကိုယ်ဝန် ပြရမယ့် ရက်ချိန်းတွေ ဆိုရင် မာမီက ကြိုတွက်ပီး တစ်လ ဘွတ်ကင် ကြိုယူတဲ့အခါ ယူ၊ နှစ်ပတ် ဘွတ်ကင် ကြိုယူတဲ့အခါ ယူ၊ တစ်ပတ် ဘွတ်ကင် ... အဲလိုမျိုး သမီး ကိုယ်ဝန်တုန်းက အတွေ့အကြုံရှိပီးသားဆိုတော့ တယ်လီဖုန်းနဲ့ SSC မှာ ကြိုတင် ဘွတ်ကင် လုပ်ထားလို့ စနေ နေ့ မနက် ၇ နာရီ ဆရာ ဆေးခန်းထိုင်ပီး သားကို ကိုယ်ဝန် ပြရမယ့် အပတ်တိုင်း မာမီက ထိပ်ဆုံးကချည်းပဲ။ သားဗိုက်နဲ့ မာမီ ဆေးခန်းလာပြရင်လည်း ချစ်စရာကောင်းတဲ့ မမ Angel ပါလာတော့ ဆရာက မာမီတို့ သားအမိကို ဘယ်လောက်ပဲ လူနာတွေ များများ ကောင်းကောင်း မှတ်မိတာပေါ့။
အားဆေးလည်းမှန်မှန်သောက်တယ်။ အစာလည်း စုံလင်အောင် စားတယ်။ အရိုးပါ ၀ါးစားရတဲ့ ငါး (ငါးသလဲထိုး) လည်း စားတယ်။ အဲဒါ စားရင် ကလေး ဥာဏ်ကောင်းတယ်ဆိုလို့လေ။ သားကိုယ်ဝန် ၅လသားကျော်မှာ ultrasound ရိုက်လို့ ရပီး သားလေးမှန်းလည်း သိရော။ မာမီတို့ တစ်မိသားစုလုံး ပျော်လိုက်ကြတာ။
သားအခန်းကို ကလေးပစ္စည်းတွေ ၀ယ်ပီး အဆင့်သင့် ပြင်ဆင်ပေးထားတယ်။ မမ Angel ငယ်ငယ်တုန်းက သုံးခဲ့တဲ့ ပစ္စည်းတွေကတော့ သူများပေးလိုက်တယ်။ (မာမီအတွက်ဆိုရင်တော့ မာမီ ချွေတာတယ်။ သားနဲ့ သမီးအတွက်ဆိုရင်တော့ မာမီ အစစ အရာရာ ကြည်ဖြူတယ်။ မနှမြောဘူး)
သားကော သမီးကော ကိုယ်ဝန် လွယ်ထားတဲ့ အချိန်တွေမှာ ဘာတစ်ခုမှ မဖြစ်ခဲ့ဘူး။ ပုံမှန်ပဲ။ ဆေးခန်းမှန်မှန်ပြတယ်။ ဆေးမှန်မှန်သောက်တယ်။ အစာကောင်းကောင်းစားတယ်။ နေ့ခင်းနေ့လည်ဆို အိပ်တယ်။ တီဗီဇာတ်လမ်းတွေ ကြည့်တယ်။ သမီးကိုယ်ဝန်တုန်းက တရုတ်ဇာတ်လမ်းတွဲတွေ၊ သားကိုယ်ဝန်နဲ့က ကိုးရီးယားဇာတ်လမ်းတွဲ (အဲဒီအချိန်တုန်းက 5 series မှာ လာနေတာက နာဂွန်းဆွန်းရဲ့ အားမလျှော့စတမ်းကား) အရမ်းကြိုက်တာပေါ့။ တစ်နေ့ကို အနည်းဆုံး ၃နာရီလောက် အင်တာနက် သုံးတယ်။ အင်တာနက်ကနေ ကိုယ်ဝန်ဆောင် လမ်းညွှန်ချက်တွေ၊ ကလေးပြုစု စောင့်ရှောက်နည်းတွေ လိုက်လေ့လာတယ်။ babycenter.com မှာ member ၀င်ပီး အပတ်စဉ် ကိုယ်ဝန်ဆောင်ကတည်းက ဒီနေ့ ထက်ထိ ကလေး ပြုစုစောင့်ရှောက်ပုံလေးတွေကို အီးမေလ်း မှန်မှန်ပို့ထားတာတွေကို ဖတ်တယ်။
မမကို ကျောင်းလည်း လိုက်ပို့တယ်။ ကိုယ်ဝန်ကြီးနဲ့လည်း ရေကူးကန် လိုက်ပို့ပေးသေးတာပဲ။ ကစားကွင်းတွေလည်း လိုက်ပို့ပေးတယ်။ သား ဗိုက်ကတော့ ပေါ့သလား မမေးနဲ့။ မာမီ ဗိုက်ကြီး ကော့ကော့နဲ့ လျှောက်ပီး လျှောက်သွားတာ။
မမွေးခင် ၁လ အလိုလောက်မှပဲ အိမ်အကူ ခေါ်ဖြစ်တယ်။ ကိုယ်ဝန်ဆောင်တွေက မမွေးခင် ၂လနဲ့ မွေးပီး ၂လက သွေးနု၊ သားနု၊ အရိုးနုလေ။ အဲဒီ အချိန် မဆင်ခြင်ရင် တစ်သက်လုံး ဒဏ်ဖြစ်တာပဲ။ အဲဒီ အချိန်တွေမှာ အလွန်အကျွံ ဘာမှ မလုပ်ဘူး။ အင်တာနက် သုံးတယ်။ typing ကို မိနစ် 30 မကျော်ဘူး။ Aircon သုံးတယ်။ အရမ်း အေးအောင် မထားဘူး။ အလေးအပင်လည်း မ , မ ဘူး။ လက်ဆစ်တွေ နာမယ့် အလုပ်၊ ဇက်ကြောတက်မယ့် အလုပ် မလုပ်ဘူး။ နေပူထဲ မသွားဘူး။ မသွားမဖြစ်သွားရင်လည်း ထီးဆောင်းသွားတယ်။ (မဖြစ်ခင် ကြိုတင် ရှောင်ထားတာပါ။ ဖြစ်လာပီဆိုရင် ဘယ်သူ့မှ ကူမယ့်သူ မရှိလို့လေ။)။ သားလေး ၅လသားလောက်ကျတော့ အိမ်အကူ ဆက်မခေါ်တော့ဘူးပေါ့နော်။ အိမ်မှု ကိစ္စနဲ့ သားတို့ သမီးတို့ ဝေယျဝစ္စ အားလုံး မာမီ တစ်ယောက်တည်း လုပ်တာပေါ့။
သားကို နိုဝင်ဘာ ၃၀ မွေးမယ်ဆိုပီး ပန်းလှိုင်မှာ ဘွတ်ကင်ယူထားတာပေါ့နော်။ ဆရာဝန် ဘွတ်ကင်တွေကတော့ ပန်းလှိုင်ဆေးရုံကပဲ တခါတည်း လုပ်ပေးတာလေ။
0 comments:
Post a Comment